Par kaidu esi pīdzims, taidam juodzeivoj

Bīdreiba “Latgolys Studentu centrs” (LgSC) 8.novembrī reikuoja pasuocīni “LaLaDra”, jeb pylnā versijā – “Latgalīts latgalīšam draugs”. LgSC puorstuovs Jurs Viļums atzyna, ka “la-la-dra” veidots iz leidzeibys ar “si-si-dra”, kas aizjimts nu sovulaik popularuos animacejis filmenis. Tys deļ tuo, lai aicynuotu latgalīšus atbaļstēt vīnam ūtru i kūpeigi veiduot pozitivus nūtykumus i pasuokumus, kas naļautu latgalīšus nūraksteit, kai vairs nikam nadereigus i navierteigus.