Mūs lasa Daugavpils, Ilūkstes, Preiļu, Krāslavas, Dagdas, Aglonas, Līvānu un citās pilsētās un novados
2018. gada 21. septembris
Piektdiena
Mariss, Matīss, Modris
+17.3 °C
skaidrs laiks

Latgalīšu muzykanti i literati byus „Juosmuižā”!

 

Bīdreiba „Latgolys Studentu centrs” i Raiņa muzejs „Juosmuiža” aicynoj bārnus, jaunīšus, rodūšus cylvākus i vysus interesentus iz literari muzykalū pasuokumu „Latgalīts Latgalīšam Draugs” Raiņa muzejā „Juosmauiža” ituo gods 24.augustā (12.00 tolka, 15.30 muzyka i teksti).

Augusta beigys īvoda Raiņa dzimšonys dīnys laiku, tīpoš jau rudiņs ar dzejis dīnom, studejom i dorbim, deļtuo LgSC aicynoj izīt uorpus telpom, byut tyvuok dobai, vosorai, muzykai, literaturai i satikt vīnam ūtru. Pasuokums ir salykts nu diveju daļu, pyrmuo daļa ir tolka – vacuo sātmaļa nūjaukšona i dobys sakūpšona, ūtruo daļa ir izīšona tyvuok pasauļam ar sovu muzyku i tekstim, kurus izpiļdeis zynomuoki i mozuok zynomi latgalīšu muzykys i tekstu autori.

LgSC pasuokumus „La-La-Dra” taisa jau vairuokus godus dažaiduos Latvejis vītuos. Pārņ Juosmuižā ar sovu muzyku dalejuos L.Kalvāne, G.Rasims, J.Vucāns, ar tekstim – Z.Lāce, V.Lukaševičs, Raibīs Suņs i c. Bīdreiba aicynoj vysus interesentus pīsadaleit tolkā i literari muzykalajā pasuokumā!

Vaira dazynuošonys: Baiba Raginska, e-posts: daugovpils@lgsc.lv, mob.t.: 224 116 90 i www.lgsc.lv. Solvita Brūvere, mob.t. 29487589, e-posts: jasmuiza@memorialiemuzeji.lv.