Meža Trūpūs jau dasmytū godu īleiguos saulgrīžu svātkus

„Ja tu brauc nu Viļuonim, tod juobrauc da pīturai “Patmalnieki”... Tymā pošā pusī (pa labi), kur atsarūn budonka, ir ceļš. Nu, tod duorgais draugs, tev pa itū ceļu juonūčuopoj kaidi puors 4 kilometri. Pa ceļam tev byus īspieja skateit breineigys patmalis, pīna goldus, kolhoza laika fermu, tam sūpluok airodromu, pa keirai rūkai byus boltu cegļu sāta, aiz tuos grīzīs pa kreisi i tod mes ar tevi sasatiksim…”, taidu aicinuojumu uz latgalīšu saulis leiguošonu sajiemu pa e-postu. Aicynuojumā raksteits, ka Meža Trūpu saiminīks Vaļds, nalaužūt īdybynuotū tradiceju, vysus aicynoj pi sevs īleiguot sauleiti kūpā ar cytim latgalīšim, kai pīsanuok piec vysom latgalīšu tradicejom. Meža Trūpūs sauļi īleigoj 22.juņī