Jau itū caturtdiņ, 3. martā sovu skaniejumu radejis viļņūs atsuok kasnedeļis raidejumu cikls „Pi myusim Latgolā”, kurymā kai jau darosts stuosteisim par Latgolā zeimeigom nūtikšonom, procesim i personeibom.
Sovu ceļu pi klauseituoju raidejums „Pi myusim Latgolā” aizsuoka jau nū 2013. gods. Itūs godu laikā raidejuma veiduotuoji ir apceļuovuši tyvuokus i tuoluokus Latgolys nūstyurus, kab tyktūs ar pīrūbeža ļaudim, koloritom personeibom i kab pastuostātu par jīm sovim klauseituojim.
Īprīkšejā godā raidejuma „Pi myusim Latgolā” komanda sovim klauseituojim pīduovuojuse aizraujūšus stuostus par profesionaluos izgleiteibys tendencem, uzjiemiejdarbeibys īspiejom, tradicionaluos kulturys atpazeistameibys veicynuošonu, mediju telpu, vēsturis šķautnem, kulturys dzeives daudzveideibu i cylvākim, kurī Latgolys vuordu nas gon sovā sirdī, gon plašejā pasaulī.
Ari itū godu leidz pat goda beigom aizsuoktīs dorbs tiks turpynuots, sovim klauseituojim pīduovojūt divejus raidejumus nedeļī, kurymūs dazaviersim kulturviesturiskom i sociālpolitiskom tēmom.
Tai jau itū caturtdiņ klauseituojim tis pīduovuots ituo gods pyrmais raidejums „Pi myusim Latgolā”, kurā skaidruosim, voi ebreju sinagogas ir jaune tendence sakrālajā turismā Latgolā. I cik, i kaidus turistus tod itaids turisma maršruts varātu davylynuot Latgolai.
Raidejumu “Pi myusim Latgolā” klausīs:
Divu krastu radio – caturtdiņ 16.30, pīktdiņ 18.30 (atkuortojums)
Latgales radio - pīktdiņ 11.05, pīktdiņ 16.30 (atkuortojums)
Radio Marija Latvija – pīktdiņ 12.10
Vysus raidejumus sevkurā laikā var nūsaklausīties škārsteiklā:
pimyusimlatgola.lv, lakuga.lv, latgale.lv
